Хурлын зорилго: Судлаач оюутнуудын хүнс, хоол үйлдвэрлэлийн салбарын технологи, машин аппарат, эрүүл ахуй, физик-хими, микробиологи, биотехнологийн чиглэлээр хийгдсэн судалгааны ажлын үр дүнг нийтэд таниулах, шинэ санаа, шийдлийг дэмжин дэлгэрүүлэхэд хурлын зорилго оршино.

Хурал явагдах хугацаа: “Технологи, инноваци” оюутны эрдэм шинжилгээний бага хурал 2020 оны 11 дүгээр сарын 27-ны өдрийн 14.00 цагт Технологийн дээд сургуулийн хичээлийн “Б” байрны “Соёлын танхим”-д болно.

Хурлын хамрах хүрээ: Хүнс, хоол үйлдвэрлэлийн салбарын технологи, машин аппарат, эрүүл ахуй, хими, микробиологи, биотехнологийн чиглэлээр сургалт явуулдаг их, дээд сургуулийн оюутан, магистрантууд оролцоно.

Илтгэл, өгүүлэл хүлээн авах хугацаа: Өгүүллийг 2020 оны 11 дүгээр сарын 13-ны 17.00 цаг хүртэл, илтгэлийг 2020 оны 11 дүгээр сарын 26-ны 17.00 цаг хүртэл Ulziiwuliji2127@yahoo.com хаягаар илгээнэ үү. Хүлээн авсан бүх өгүүллийг Технологийн дээд сургуулийн оюутны эрдэм шинжилгээний хурлын эмхэтгэлд хэвлэнэ. Эмхэтгэлд өгүүлэл хэвлүүлэх үнэ 25000 төгрөг. Харилцах утас: 99634926, 86082328, 88782939

Өгүүлэлд тавигдах шаардлага:

• Өгүүллийг *.doc өргөтгөлтэй, Times New Roman фондоор, А4 (210x297 mm) хэмжээтэй цаасны 6-8 нүүрт багтаан бичих ба header, fooder командыг ашиглахгүй, хуудасны дугаарыг тавихгүй.
• Өгүүллийн бичвэр цаасны зүүн захаас 2.5 см, баруун захаас 2.0 см, дээд, доод талаас тус бүр 2.0 см хэмжээтэй байна. Бичвэрийн мөр хоорондын зай 1.15, догол мөрөөс эхлэх хэсэг бүрийн өмнө 6 pt (before spacing) хэмжээтэй байна.
• Өгүүллийн гарчгийг том үсгээр, 14pt үсгийн өндөртэй, Bold форматаар мөр голлон бичнэ. Дэд гарчгууд (хураангуй, түлхүүр үг, удиртгал, үндсэн хэсэг, ном зүй г.м) нь 12pt үсгийн өндөртэй, Bold форматаар зүүн талдаа зэрэгцэнэ. Өгүүлэлд орсон хүснэгт, зураг бүр дугаар, нэртэй байна.
• Хураангуй гэсэн нэр томьёо нь 12pt үсгийн өндөртэй, Bold, зүүн талд зэрэгцсэн байдлаар, хураангуйн бичвэрийг 11pt үсгийн өндөртэйгээр Italic форматаар баруун, зүүн талд зэрэгцэн монгол хэл дээр бичнэ. Хураангуйг 15 мөр, 200 үгэнд багтаасан байвал зохино.

Шалгаруулалт: Өгүүллийг урьдчилан хүлээн авч шалгаруулах бөгөөд шалгарсан өгүүллүүдийг хуралд илтгэл хэлбэрээр оролцуулна. Шалгаруулалтанд судалгааны ажлын шинжлэх ухааны үндэслэл, практик ач холбогдол зэргийг харгалзана.

Зохион байгуулагч: Хүнсний технологийн тэнхим