Технологийн дээд сургуулийн Мэргэжлийн боловсролын салбарын дэргэдэх “JCI” багш нарын клуб 2015-оны 05-р сарын 15-ны өдөр “НАЙЗАА УРЬЯ” өдөрлөгийг амжилттай зохион байгууллаа. Өдөрлөгт ХУД-ийн Ерөнхий боловсролын сургуулиудын 9-р ангийг төгсөн тус сургуульд элсэн орох сонирхолтой суралцагчид оролцсон. Өдөрлөгт ирсэн суралцагчдыг угтан авч, сургуулийн товч танилцуулга хийж, суралцагчид урлагийн тоглолтоор мэндчилгээ дэвшүүлж, мэргэжлийн лабораторуудаар аялуулж, суралцагчдын хийсэн бүтээгдэхүүнтэй танилцуулж, зарим ажилбарыг урилгаар ирсэн сурагчдаар бэлтгүүлсэн нь тэдэнд ихэд таалагдлаа. Мөн спорт зааланд өдөрлөгт оролцсон суралцагчдыг баг болгон хувааж хөгжөөнт тэмцээн явуулж, төгсгөлд нь сургуулийн гадна талбайд “flash mob” бүжиг хийснээр өдөрлөгийн үйл ажиллагаа амжилттай өндөрлөлөө.
Эх сурвалж: Г.Батбаяр
