Орчны эрүүл ахуйн шаардлагыг хангахад мэргэжлийн ангийн оюутнуудын бүтээлч санаачлагыг дэмжих, мэргэжлийн мэдлэг, ур чадварын хэрэглээний түвшинг үнэлэх зорилгоор эрүүл ахуйн мэргэжлийн өдөрлөгийг 11-р сарын 1-4-ны хооронд ХТИ 4а, ХҮТЭА 4а, ХИ3в ангийн оюутнуудын оролцоотой зохион байгуулав. 4 хоног үргэлжилсэн өдөрлөгийн хүрээнд дараах ажлууд хийгдсэн. Үүнд:

• Эхний өдөр ХҮТЭА 4а оюутнууд “Мэргэжил сурталчилах үйл ажиллагаа”-г зохион байгуулж эрүүл ахуйн мэргэжлийн ном сурах бичиг, сургалтын хэрэглэгдэхүүн зэргийг дэлгэн харуулж өөрсдийн мэргэжлийн талаар оюутан, сурагчдад дэлгэрэнгүй сурталчилсан.
• Өдөрлөгийн хоёр дахь өдөр ХТИ 4а ангийн оюутнууд “Сургуулийн дотоод орчны цэвэрлэгээ”-г зохион байгуулж нийт 8 анги, лабораторит цэвэрлэгээ ариутгалыг хийсэн.
• Гурав дахь өдөр ХИ3в ангийн оюутнууд “Зөв хооллолтын зөвлөх үйлчилгээ”-г үзүүлж нийт 275 оюутан, сурагч, багш нарт биеийн жин, өндрийг хэмжин хоногийн шаардагдах илчлэгийг тодорхойлж зөв хооллолтын зөвлөгөөг өгсөн.
• Дөрөв дэх өдөр ХҮТЭА 4а оюутнууд “Илтгэлийн уралдаан”-г зохион байгуулж

нийт 6 илтгэл хэлэлцүүлснээс ХҮТЭА 4а-ангийн М.Гантуяа, Р. Март нарын “Зүрх судасны өвчин ба хоол хүнсний зохистой хэрэглээ”, ХИ 3в ангийн Н.Нямдуламын “Микотоксины бохирдол ба хүнсний аюулгүй байдал” сэдэвт илтгэлүүд тус тус шалгарсан.

Мөн өдөрлөгийн хүрээнд “Хүнсний хор судлал” хичээлээр экскурс-семинарыг зохион байгуулж НЭМХ-ийн хор судлалын лабораторийн үйл ажиллагаатай танилцахын зэрэгцээ тус хүрээлэнгээс зохион байгуулсан номын өдөрлөгт оролцов. Мөн багш Б. Эркигүл МҮОНТ-ийн “Монголын мэдээ” нэвтрүүлэгт оролцож эрүүл ахуйн мэргэжлийн сургалтын талаар ярилцлага өглөө.

                                                                                                                    Мэдээлэлийг бэлтгэсэн: Хүнсний Технологийн тэнхэм