Манай сургууль 2012-2014 онд “Зохицуулах үйлчлэлтэй сүүн бүтээгдэхүүн үйлдвэрлэх жижиг үйлдвэр” инновацийн төслийг хэрэгжүүлж байгаа билээ. Энэ жилийн Шинжлэх ухааны ажилтны өдрийг тохиолдуулан зохион байгуулсан “ШИНЖЛЭХ УХААН, ҮЙЛДВЭРЛЭЛ-2014” үзэсгэлэнд судалгааны түвшинд боловсруулж, үйлдвэрлэлд нэвтрүүлсэн бүтээгдэхүүнээрээ оролцлоо. Бидний үйлдвэрлэсэн “Зөөлөн бяслаг”, “Ааруул”, “Амин тараг” зэрэг бүтээгдэхүүнүүдэд үзэсгэлэнд оролцсон хүмүүс болон БШУ-ны сайд  Л.Гантөмөр өндөр үнэлгээ өгсөн юм. Технологийн дээд сургуулийн сүүний мэргэжлийн багш нар болон ажилтнууддаа ажлын амжилт хүсье.