2016 оны 12-р сарын 22-ны өдөр “Ном уншигчдын клуб”-ээс зохион явуулдаг “Зочин багштай уулзах цаг”-ийн энэ удаагийн зочноор ХУТ-ийн Монгол хэл, уран зохиолын багш  М.Өнөржаргал /Тэргүүлэх, магистр/ уригдан оролцож сурагчидтай сонирхолтой яриа өрнүүлэн, сурагчдын асуусан асуултанд хариуллаа.  Зочин  багш:

• Өөрийнхөө бага нас, номыг хэрхэн зөв сонгож унших, бүтээлчээр унших арга зүйн талаар зөвлөгөө өгсөн.
• Суралцагчийн бүтээлийн эмхтгэлээс суралцагчдын шилдэг сор болсон захидал, өгүүллэг, эх, шүлгийг уншиж танилцуулсан.
• “Жиргээ” суралцагчдын бүтээлийн эмхтгэлийг клубын номын санд хандивлалаа.

Тогооч-1а ангийн сурагч Төгсбаяр “Алтан хавчаар”  дуугаар  ая дууны  мэндчилгээ  дэвшүүлж мөн клубын сурагчид зочин багшид хүндэтгэл үзүүлж “Багш” дууг дуулсан. ТНБ 1а ангийн сурагч Г.Арвин өөрийн зохиосон “Багш” шүлгийг уншиж сонирхуулсан.  Уг арга хэмжээг сурагч Тогооч 1а ангийн сурагч И.Сарангоо  хөтлөн явуулав.

Мэдээллийн эх сурвалж: багш Я.Сүхээ