Хурлын зорилго: Судлаач оюутнуудын хүнс, хоол, хөдөө аж ахуйн салбарын бүтээгдэхүүн, үйлдвэрлэл, үйлчилгээний аюулгүй байдлыг хангах чиглэлээр хийгдсэн судалгааны ажлын үр дүнг нийтэд таниулах, дэмжин дэлгэрүүлэхэд хурлын зорилго оршино.

Хугацаа: “Хүнсний технологи, чанар, аюулгүй байдал” оюутны эрдэм шинжилгээний бага хурал 2021 оны 12 дугаар сарын 06-ны өдрийн 14.00 цагт Технологийн дээд сургуулийн “Б” байрны YI давхарт 604 тоот өрөөнд болно.

Хамрах хүрээ: Хүнс, хоол, хөдөө аж ахуйн салбарын их, дээд сургуулийн оюутан, магистрантууд оролцоно.

Илтгэл, өгүүлэл хүлээн авах хугацаа: Өгүүллийг 2021 оны 11 дүгээр сарын 30-ны 17.00 цаг хүртэл, илтгэлийг 2021 оны 12 дугаар сарын 05-ны 17.00 цаг хүртэл nagaaranz@yahoo.com хаягаар илгээнэ үү. Хүлээн авсан бүх өгүүллийг Технологийн дээд сургуулийн оюутны эрдэм шинжилгээний хурлын эмхэтгэлд хэвлэнэ. Эмхэтгэлд өгүүлэл хэвлүүлэх үнэ 28000 төгрөг. Харилцах утас: 99634926, 88782939

Өгүүлэлд тавигдах шаардлага:

• Өгүүллийг *.doc өргөтгөлтэй, Times New Roman фондоор, А4 (210x297 mm) хэмжээтэй цаасны 4-6 нүүрт багтаан бичих ба header, fooder командыг ашиглахгүй, хуудасны дугаарыг тавихгүй.
• Өгүүллийн бичвэр цаасны зүүн захаас 2.5 см, баруун захаас 2.0 см, дээд, доод талаас тус бүр 2.0 см хэмжээтэй байна. Бичвэрийн мөр хоорондын зай 1.15, догол мөрөөс эхлэх хэсэг бүрийн өмнө 6 pt (before spacing) хэмжээтэй байна.
• Өгүүллийн гарчгийг том үсгээр, 14pt үсгийн өндөртэй, Bold форматаар мөр голлон бичнэ. Дэд гарчгууд (хураангуй, түлхүүр үг, удиртгал, үндсэн хэсэг, ном зүй г.м) нь 12pt үсгийн өндөртэй, Bold форматаар зүүн талдаа зэрэгцэнэ. Өгүүлэлд орсон хүснэгт, зураг бүр дугаар, нэртэй байна.
• Хураангуй гэсэн нэр томьёо нь 12pt үсгийн өндөртэй, Bold, зүүн талд зэрэгцсэн байдлаар, хураангуйн бичвэрийг 11pt үсгийн өндөртэйгээр Italic форматаар баруун, зүүн талд зэрэгцэн монгол хэл дээр бичнэ. Хураангуйг 15 мөр, 200 үгэнд багтаасан байвал зохино.

Шалгаруулалт: Өгүүллийг урьдчилан хүлээн авч шалгаруулах бөгөөд шалгарсан бүтээлийг хуралд илтгэл хэлбэрээр оролцуулна. Шалгаруулалтанд судалгааны дэвшүүлсэн санаа, ажлын шинэлэг тал, практик ач холбогдол зэргийг харгалзана.

Хүнсний технологийн тэнхим