ХӨТӨЛБӨРИЙН ТАНИЛЦУУЛГА
ХӨТӨЛБӨРИЙН НЭР, ИНДЕКС; Хүнсний үйлдвэрлэлийн технологи /E07210104/
ХӨТӨЛБӨРИЙГ ХАРИУЦАХ НЭГЖ; Хүнсний технологийн тэнхим
СУРАЛЦАХ ХУГАЦАА; 1.5жил
СУДЛАХ БАГЦ ЦАГ; 36-аас доошгүй багц цаг
ЭЛСЭГЧДЭД ТАВИХ ШААРДЛАГА; Технологийн дээд сургуулийн “Оюутан элсүүлэх журам”-ын дагуу бакалаврын боловсролтой иргэдийг элсүүлнэ.
ЭРХ ЗҮЙН ЗОХИЦУУЛАЛТ; Монгол улсын “Боловсролын тухай хууль”, “Дээд боловсролын тухай” хууль, боловсролын болон салбарын асуудал эрхэлсэн төр, захиргааны төв байгууллагуудаас гаргасан тогтоол, шийдвэр, ТДС-ийн дүрэм, журмаар “Хүнсний үйлдвэрлэлийн технологи, эрүүл ахуй” мэргэжлийн магистрын зэргийн боловсрол олгох сургалтын үйл ажиллагааг зохицуулна.
ХӨТӨЛБӨРИЙН ТОДОРХОЙЛОЛТ; тухайн хөтөлбөрөөр суралцагчдад эзэмшүүлэх дээд боловсролын ахисан түвшний шинжлэх ухааны онолын мэдлэг болон хүнсний үйлдвэрлэлийн технологийн чиглэлээр мэргэжлийн түвшинд ажиллах, төлөвшсөн бие хүний мэдлэг, чадвар хандлагын жагсаалт бүхий сургалтын үргэлжлэх хугацаа, үнэлгээ, сургалтын арга зүй болон орчны шаардлагыг багтаасан баримт бичиг.
ХӨТӨЛБӨРИЙН ҮНДЭСЛЭЛ; Аливаа улс орны хүнсний хангамжийн баталгааны асуудал нь тусгаар тогтнол, үндэсний аюулгүй байдлын чухал үзүүлэлт болдог. Иймээс хүнсний хангамжийн баталгааг тодорхойлох нэг үзүүлэлт болох дотоодын үйлдвэрлэлийг хөгжүүлэх зайлшгүй шаардлагатай. Хүнсний аж үйлдвэрийг хөгжүүлэх бодлого нь хүнсний түүхий эдийн анхан шатны үйлдвэрлэл, боловсруулах технологи, тээвэр худалдаа, хадгалалтын хүрээнд явагдах харилцан ашигтай хамтын ажиллагаа. Эдгээр үйл ажиллагааг биечлэн гүйцэтгэх, удирдах, хөтлөн авч явах мэргэжлийн ур чадвартай, бүтээлч хандлагатай мэргэжилтэн бэлтгэснээр хүнсний аюулгүй байдлыг бүрэн хангах боломж бүрдэнэ.
ХӨТӨЛБӨРИЙН ЗОРИЛГО, ЗОРИЛТ; Ургамал, амьтны гаралтай түүхий эдийг боловсруулж, хүний эрүүл мэнд, байгаль орчинд халгүй хүнсний бүтээгдэхүүн үйлдвэрлэх орчин үеийн технологийг эзэмшиж, мэдлэгээ чадвар болгон ашиглах мэргэжлийн бүтээлч сэтгэлгээтэй, магистрын зэрэгтэй мэргэжилтнийг бэлтгэхэд оршино.
СУРАЛЦАХ ОРЧИН; Сургууль нь эрүүл ахуй, аюулгүй байдлын шаардлагад нийцсэн, сургалтын төлөвлөгөөний дагуу бүх хэлбэрийн хичээлийг явуулах бүрэн боломжтой барилга байгууламж, техник хэрэгсэл, тоног төхөөрөмжтэй.
- Нэг оюутанд ноогдох сургалтын талбай болон хичээлийн танхим, лаборатори, кабинетийн нэг суудалд ноогдох талбай нь стандартад тохирсон, суралцах орчны шаардлагыг бүрэн хангасан байна.
- Хүнсний үйлдвэрлэлийн технологи, эрүүл ахуй мэргэжлийн магистрын зэрэг эзэмшүүлэх хөтөлбөрийг хэрэгжүүлэхийн тулд орчин үеийн багаж хэрэгсэл, тоног төхөөрөмжөөр тоноглогдсон доорх лабораториудтай байна. Үүнд:
- Магадлан итгэмжлэгдсэн биохимийн лаборатори
- Ерөнхий ба аналитик химийн лаборатори
- Органик химийн лаборатори
- Физик электроникийн лаборатори
- Микробиологийн лаборатори
- Хүнсний технологийн лаборатори
- Мах, сүү боловсруулах үйлдвэр
- Талх, нарийн боов үйлдвэрлэлийн дадлагын газар
- Хүнс үйлдвэрлэлийн процесс аппаратын лаборатори
- Тоног төхөөрөмж, реологийн лаборатори
- Хүнсний үйлдвэрлэлийн технологи мэргэжлээр магистрын зэрэг эзэмшүүлэх хөтөлбөрийг хэрэгжүүлэх сургалтын төлөвлөгөөнд тусгагдсан хичээл нэг бүрд агуулгаараа нийцэх мэдээллийн эх сурвалж, ном сурах бичгийг хүрэлцэхүйц хэмжээгээр бүрдүүлсэн.
ТӨГСӨГЧДИЙН ЭЗЭМШИХ УР ЧАДВАР;
Хувь хүн болон мэргэжлийн ур чадвар
- Байгаль, нийгэм, хүний хоорондын харьцааг зохицуулдаг ёс зүй, эрх зүйн хэм хэмжээг мэддэг, энэ мэдлэгээ амьдрал, үйл ажиллагаандаа ашиглах
- Амьд болон амьгүй байгаль үзэгдэл, үйл явцын тухай бүрэн дүүрэн төсөөлөлтэй, байгалийг танин мэдэх, шинжлэх ухааны орчин үеийн аргуудын боломжийг ойлгосон, тэдгээрийг мэргэжлийн үүргээ биелүүлэхэд ашиглаж чаддаг байх
- Иргэний ардчилсан ёсны суурийг бүрдүүлэгч үнэт зүйлсийг мэддэг, бусад үндэстэн, бүс нутаг, өөрийн улс орны түүх соёлын өвийг олон ургальч агуулгаар ойлгох, тайлбарлах, баяжуулах чадвартай, эх оронч үзэлтэй, хүмүүнлэг ёсыг дээдлэн сахидаг байх
- Мэргэжлийн үүргээ биелүүлэхтэй холбоотой зорилгыг тавих, зорилтуудыг тодорхойлох чадвартай, тэдгээрийг шийдвэрлэхэд судалсан шинжлэх ухааны аргуудыг ашиглаж чаддаг байх
Хүмүүстэй харилцах ур чадвар
- Хөдөлмөрийг шинжлэх ухааны үндэслэлтэй зохион байгуулах, удирдлагын оновчтой шийдвэр гаргах, бусдын өмнө хариуцлага хүлээх
- Гадаад хэлийг өдөр тутмын болон мэргэжлийн үйл ажиллагаандаа ашиглах
- Харилцааны болон ёс суртахууны өндөр соёлтой, багаар хоршин ажиллах, шинжлэх ухааны хөгжил, нийгмийн хурдацтай өөрчлөлтийн нөхцөлд өөрийн боломжиндоо дүгнэлт хийх
- Мэдээллийн технологийг ашиглан шинэ мэдлэг бүтээх, бүтээлчээр тасралтгүй бие даан суралцах
Мэргэжлийн хичээлээр эзэмших мэдлэг, ур чадвар, чадамж
- Хүнсний түүхий эдийн найрлага, шинж чанар, тэдгээрийг боловсруулах сонгомол ба дэвшилтэт арга ажиллагаа
- Хүнсний үйлдвэрийн тоног төхөөрөмжийн ажиллах зарчим, тэдгээрийн ашиглалт, үйлчилгээ
- Хүнсний үйлдвэрийн салбарын бизнесийг удирдахуйн ухаан, менежментийн үндсэн ойлголтууд, салбарын удирдлага зохион байгуулалт
- Хүнсний үйлдвэрлэлийн бүтэц, зохион байгуулалтын онцлог, эрүүл ахуй аюулгүй байдал, инженерийн төлөвлөлтийн онолын үндэс, онцлог
- Хүнсний үйлдвэрлэлийн түүхий эд болон бэлэн бүтээгдэхүүний химийн найрлага, шинж чанарыг тодорхойлох, зориулалтаар нь ашиглах
- Хүнсний түүхий эд боловсруулах технологи ажиллагааг удирдан явуулах, технологийн горим сонгох, үйл явцад дүн шинжилгээ хийх, үйлдвэрлэлийн болон технологийн шатлал, дамжлагад зохион байгуулалтын шийдэл гаргах
- Технологийн туршилт явуулах, шинэ бүтээгдэхүүн зохион бүтээх, үйлдвэрийн зураг төсөл боловсруулах
- Хүнсний сүлжээний үе шатанд үйл ажиллагаа эрхлэхдээ үүргээ бүрэн ухамсарласан байх
- Эрүүл аж төрөх ёсны талаар шинжлэх ухааны төсөөлөлтэй, өөрийн амьдралд хэрэгжүүлж чаддаг байх
- Мэргэжлийн үүргээ биелүүлэхтэй холбоотой зорилго, зорилтуудыг тодорхойлох, тэдгээрийг шийдвэрлэхэд шинжлэх ухааны аргуудыг ашиглаж чаддаг байх
