1965

БНМАУ-ын СнЗ-ийн 1965 оны 06 дугаар сарын 23-ны өдрийн 231 тоот тогтоолоор “Мах, сүү, талх, чихэр, нарийн боов, гурилын үйлдвэрүүдийн өндөр мэргэжилтэй ажилчдыг бэлтгэх” 2 жилийн сургалттай 400 суралцагчидтай Хүнсний үйлдвэрийн техник мэргэжлийн сургууль байгуулагдсан.

1967

Цэрэндэндэв овогтой Найдансүрэн (яамны орлогч сайд асан) 1967-1973 онуудад захирлаар ажиллаж, хүнсний үйлдвэрүүдтэй гэрээ хэлэлцээр байгуулж, үйлдвэрлэлийн

1968

1968 онд одоогийн хичээлийн “А“ байрны барилгыг шинээр барьж ашиглалтанд оруулснаар өөрийн гэсэн хичээлийн байр, мастерын газартай болсон.

1973

Лувсан овогтой Базар 1973-1979 онуудад захирлаар ажиллаж, сургалт хүмүүжлийн ажлыг сайжруулах, сургууль үйлдвэрлэлийн холбоог бэхжүүлэх, багшлах боловсон хүчнийг чадваржуулахад гол ажлаа чиглүүлэн ажилласнаас гадна Германы мэргэжилтэн багш нартай хамтран ажиллаж сургуулийн хөгжилд үнэтэй хувь нэмэр оруулсан.

1979

Дорж овогтой Амар 1979-1988 онуудад захирлаар ажилласан. Сургуулийн гадаад харилцааг өргөжүүлж, БНАГУ-ын Берлин хотын Ардын нэгдсэн мах комбинатад сурагчдыг дадлага хийлгэх болсоноор сургуулийн нэр хүнд өсөж суралцагчдын сурах идэвхи дээшилсэн.

1983

1983 оноос хөргөлтийн засварчин мэргэжлээр сургалт явуулж эхэлсэн.

1988

Дарамрагчаа овогтой Базарбямба Улс орон зах зээлийн харилцаанд шилжих, өөрчлөлт шинэчлэлийн эхний үе 1988-1998 онуудад захирлаар ажилласан. Нэгэн баг болон ажиллаж байсан удирдах ажилтнууд хамт олныхоо санаа бодлыг анхааралдаа авч үздэг, зоримог шийдвэр гаргаж түүнийгээ биелүүлэхийн тулд дайчин шуурхай ажилладаг байсан.

1990

1990 оноос тогооч мэргэжлээр сургалт эхэлсэн байна.

1991

БНМАУ-ын Ардын боловсролын яамны сайдын 1991 оны 06 дугаар сарын 25-ны өдрийн 247 дугаар тушаалаар Шаталсан сургалттай Хүнсний мэргэжлийн сургалт үйлдвэрлэлийн төв болсон.

1998

“Хүнс үйлдвэрлэлийн технологи”, “Нийтийн хоолны технологи” мэргэжлээр дээд боловсрол олгох сургалт явуулж эхэлсэн.

1999

Монгол улсын Гэгээрлийн сайдын 1999 оны 03 дугаар сарын 03-ны өдрийн 36 дугаар тушаалаар “Хүнсний үйлдвэрийн технологийн сургууль” болж дээд боловсролын сургалт явуулах эрхийг нь баталгаажуулсан.

2000

Монгол улсын Гэгээрлийн сайдын 2000 оны 07 дугаар сарын 19-ний өдрийн 179 дүгээр тушаалаар Хүнсний технологийн коллеж болон өргөжиж дээд боловсролын байгууллагын статустай болсон.