Хүнсний технологийн тэнхмийн харьяа ХҮТЭА 4а ангийн оюутнууд төгсөлтийн өмнөх дадлагын тайлангаа 2018 оны 3 дугаар сарын 15-ны өдөр амжилттай хамгааллаа.

Дадлагын тайлан хамгаалалт 2 үе шаттай явагдав. Үүнд:

• Хичээлийн “А” байрны II давхарт ”Бүтээгдэхүүний маркетинг” өдөрлөг /2018.03.15-ны 11.30-13.30 цагт/ зохион байгуулав.
• Дараа нь дадлагын тайлангийн бичвэрийг /2018.03.15-ны 14.00 цагт 201 тоот өрөөнд/ тэнхмийн багш нарын комиссын бүрэлдэхүүнд тайлагнаж хамгааллаа.

Өдөрлөгт тус сургуулийн багш нар, оюутнууд өргөнөөр оролцлоо.

Оюутнууддаа сурлагын өндөр амжилт хүсье.

Хүнсний технологийн тэнхим

Химийн хичээлийн хүрээнд эзэмшсэн мэдлэгээ бататгах, хичээлийн идэвх, сонирхолыг нэмэгдүүлэх зорилгоор тус тэмцээнийг 2018.03.05-нд зохион явууллаа.

Тогооч, ТНБ, ТЦ мэргэжлийн 5 баг оролцсон бөгөөд үүнээс:

• 1–р байранд: Тогооч-2а ангийн “Химийн дөрвөл” баг
• 2–р байранд: ТЦ-2а ангийн “Цахиур” баг
• 3–р байранд: Тогооч-2г ангийн “Электрон” баг шалгарлаа.

   “Шинэ ертөнц” ном уншигчдын клубээс суралцагчдын эх хэлний боловсрол, хөгжил төлөвшлийг дээшлүүлэх, эх сайхан хэлээрээ уран яруу унших, ой тогтоолт, уран сайхны сэтгэлгээг хөгжүүлэх зорилгоор “Уран жиргээ” уран уншлагын уралдааныг   анхан шатны 1,2 –р ангийн суралцагчдын дунд 03-р сарын 06-нд   зохион явууллаа. Тус уралдаанд 14 сурагч өөрийн авъяасаа сорьсоноос дараах сурагчид шагналт байранд орлоо.

“Хүнсний бүтээгдэхүүний сав баглаа боодлын технологи” хичээлийн хүрээнд ХИ-3А ангийн оюутнуудаар бие даалтын 3 үе шаттай даалгавар гүйцэтгүүлж, үр дүнгээр нь тайлан бичүүлж, 2017 оны 12 дугаар сарын 7-нд илтгэлийн уралдаан зохион байгуулав. Оюутнууд дараах сэдвүүдээр илтгэл тавьж оролцов. Үүнд:

• Архи дарс пиво, ундааны савлагаа
• Уламжлалт сав баглаа боодол
• Нөөшилсөн бүтээгдэхүүний савлагаа
• Сүү, сүүн бүтээгдэхүүний савлагаа
• Хуурай бүтээгдэхүүний савлагаа
• Чихэр жигнэмэг, шоколадны савлагаа
• Ус, жүүсний савлагаа

Э.Мөнхзаяа, Б.Ариунзаяа нарын “Архи дарс пиво, ундааны савлагаа” сэдэвт илтгэл 1-р байр, Г.Пүрэвжаргалын “Сүү, сүүн бүтээгдэхүүний савлагаа” сэдэвт илтгэл 2-р байрыг тус тус эзэллээ. Эхний байр эзэлсэн оюутнуудыг оноогоор урамшуулав.

Багш С.Нарандэлгэр

Суралцагчдын чөлөөт цагийг зөв боловсон өнгөрүүлэх, байгалийн ухааны хичээлүүдийн идэвх, сонирхлыг нэмэгдүүлэх, уялдаа холбоог гаргах, сургуульд эко орчин бүрдүүлэх зорилгоор тус клуб ажиллаж байна. ХТПК-ийн 1-р ангийн 27 суралцагчийг сонгон авч клубын үйл ажиллагааг явуулж байна.

• Клубын гишүүн суралцагчдад сургуулийн гадаад талбайд хэрхэн эко орчин бүрдүүлэх талаар уулзалт ярилцлага зохион байгуулсан.
• Тус уулзалт ярилцлагад тулгуурлан өөрсдийн шинэ санаагаар баяжуулан гарын доорх материал ашиглан эко орчны макет хийлгэх даалгавар өгч дүгнэв.
• Клубын гишүүн суралцагчид 9 баг болон хуваагдан даалгаврыг гүйцэтгэсэн болно. 

Мэргэжлийн сургуулиудын сурагчдын волейболын аварга шалгаруулах тэмцээнд Б.Адъяасүрэн дасгалжуулагчтай ХТПК-ийн баг тамирчид амжилттай оролцож Эрэгтэй баг 1-р байр, эмэгтэй баг 3-р байр эзэлж, Ттзг 3-а ангийн сурагч Н.Бат-Эрдэнэ "Шилдэг тамирчин"-аар шалгарлаа. Амжилттай оролцсон багш, сурагчдадаа баяр хүргэж, спортын өндөр амжилт хүсье.

Хүнс үйлдвэрлэлийн технологи, эрүүл ахуй мэргэжлээр суралцаж буй оюутнуудын мэргэжлийн хичээлийн мэдлэгийг бататгах, тэдний бие дааж ажиллах чадварыг сайжруулах зорилгоор онол, дадлагын тэмцээнийг 2017.12.07-ны өдөр зохион байгууллаа.
Тус тэмцээнд Хүнсний үйлдвэрлэлийн технологи, эрүүл ахуй мэргэжлийн 4-р курсын “Гэрэлт ирээдүй”, “Аюулгүй хүнс”, “Milk” багууд оролцов. Энэ удаагийн тэмцээний онцлог нь

• Сонгосон (гар, тоног төхөөрөмж, тавцан) ажлын гадаргуугаас арчдас авч эрүүл ахуй, ариун цэврийн байдалд үнэлгээ өгч дүгнэлт гаргах

• “Хан-Бренд” ХХК-ий мах, сүү, талх нарийн боовны цехүүдэд хяналтын хуудсын дагуу эрсдлийн үнэлгээ хийж үр дүнд тулгуурлан зөвлөмж боловсруулах зэргээр мэргэжлийн хичээлүүдийн онолын мэдлэгийг амьдралд хэрэглээ болгох байдлаар зохион байгуулсанд оршино.

Тэмцээнд багууд маш идэвхитэй оролцож нийлбэр дүнгээр “Гэрэлт ирээдүй” баг тэргүүлэв.

Хоол үйлдвэрлэлийн мэргэжлийн суралцагчдын “Ур чадвар-2017” уралдаан амжилттай болж өндөрлөлөө.

2017 оны 12-р сарын 5-ны өдөр уралдаан 3-н ээлжээр сургууль дээрх дадлагын газарт явагдсан нь энэ жилийн онцлог байлаа.

Уралдааны шүүгчдээр сургуулийн төгсөгч  “River said golf club”-н ерөнхий тогооч Б.Нанзад, “Максимус” рестораны ерөнхий тогооч Н.Энхбаяр мөн олон улсын тэмцээний тогоочийн төрөлд амжилттай оролцсон оюутан, “Rock sugar” рестораны ахлах тогооч  Б.Дагвасүрэн нар, зөвлөхөөр  2017 оны дэлхийн ур чадварын тэмцээнийн эксперт Г. Мөнгөндолгион ажиллалаа.

Оролцогч тус бүр:

-       Бүтэн тахианы махыг хэсэг болгон эвдэх, бэлдэц бэлтгэх

-       Тахианы махаар зутан шөл бэлтгэх

-       Тахианы махаар 2 төрлийн үндсэн хоол бэлтгэх

-       Өгөгдсөн материалаар үндсэн хоолонд тохирсон хачир, сүмс бэлтгэх даалгавар гүйцэтгэсэн.

Уралдаанд тогооч, хоол үйлдвэрлэлийн техник технологич мэргэжлээр суралцаж буй 2,3-р ангийн дараах 24 суралцагч оролцлоо.

Шагналын эзэд:

•  I байр: Т.Гэрэлмаа багштай Тогооч-3б ангийн суралцагч Э.Тэмүүлэн
• II байр: Т.Гэрэлмаа багштай Тогооч-3б ангийн суралцагч А.Сайлав
• III байр: Б.Оюунжаргал багштай Тогооч-2а ангийн суралцагч Э.Энхжин

Оюутан, сурагчдынилтгэх болон өөрийгөө илэрхийлэх ур чадвар, бүтээлч, шүүмжлэлтсэтгэлгээгхөгжүүлэх зорилгоор” Сион” болон” Шинэ ертөнц” ном уншигчдын клубууд хамтран “Уран илтгэгч” илтгэлийн уралдааныг 2017 оны12сарын04-ндамжилттайзохион явууллаа.Тус уралдаан нь 2 дахь жилдээ зохион байгуулагдаж байгаа бөгөөд ХТПКболон дээд боловсролын салбарын оюутан, сурагчдын дунд зохиогдож байгаагаараа онцлог юм.
Уралдааныг “СИОН” клубийн зөвлөх багш М.Бямбажаргал, ХТПК-ийн багш Б.Сэржмядаг нар шүүн явуулсан.Тусуралдаанднийт 12 оюутан, сурагчид оролцсоноос дараах сурагчид байр эзэллээ.
1-р байранд ХИ 1бангийноюутан О.Ганхуяг
2-р байранд ХТПК-ийн ХД 2а ангийн сурагч Б.Тэмүүлэхнаран
3-р байранд ХИ 2а ангийноюутан О.Бүжинлхам нар тус тус байр эзэллээ
Энэхүү илтгэлийн уралдааны ач холбогдол нь ХТПК ийн сурагчид дээд боловсролын оюутан ах эгч нараасаа суралцсан, өөрсдийн илтгэл ур чадвараа сорьсонд оршино.

Мэдээг бэлтгэсэн: М.Бямбажаргал

Багш – суралцагч - эцэг эхийн гурвалсан холбоог сайжруулах, суралцагчдын сурлагын явцын үнэлгээ, хичээлийн оролцоо, идэвх, өөрчлөлтийн талаар хичээл заагч багшаас мэдээлэл, зөвлөгөө авах зорилгоор жил бүр уламжлал болгон зохион байгуулдаг “Эцэг эхийн нээлттэй хаалганы өдөрлөг” 11-р сарын 23-ний өдөр ХТПК-н 1-р ангийн суралцагчдын эцэг эхчүүдийн дунд явагдлаа.